ماجد المصرى

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
ماجد المصرى

منتدى قانونى - ترفيهى - منوعات


    عشاق صلاح جاهين

    Admin
    Admin
    Admin


    عدد المساهمات : 252
    تاريخ التسجيل : 07/08/2009

    عشاق صلاح جاهين Empty عشاق صلاح جاهين

    مُساهمة  Admin 2009-08-11, 07:03

    يوم قلت اه سمعونى قالوا فسد ده كان جدع قلبه حديد انحسد رديت على اللايمين انا وقلت اه لو تعرفوا معنى زئير الاسد
    وعجبى!


    *على رجلى دم نظرت ما احتملت على ايدى دم سالت ليه؟لما وصلت على كتفى دم وحتى راسى دم انا كلى دم قتلت ولا اتقتلت؟
    وعجبى!


    *بين موت وموت وبين النيران والنيران على الحبل ماشين الشجاع والجبان عجبى علادى حياه ويا للعجب ازاى انا يا تخين بقيت بهلوان وعجبى!



    *مرغم عليك يا صبح مغصوب يا ليل لا دخلتها برجليا ولا كانلى ميل شايلنى شيل دخلت انا فى الحياه وبكره اخرج منها شايلنى شيل وعجبى!


    *اخطفنى ياللى تحبنى على الحصان الدنيا قالت يوم فى ماضى الزمان اخطفنى ياللى تحبنى على الفرس الدنيا قالت خطفها الشيطان وعجبى!


    *كرباج سعاده وقلبى منه اتجلد رمح كأنه حصان ولف البلد ورجع لى تانى نص الليل وسالنى ليه خجلان تقول انك سعيد يا ولد وعجبى!


    *انشد يا قلبى غنوتك للجمال وارقص فى صدرى من الميت للشمال ماهوش بعيد تفضل لبكره سعيد ده كل يوم فيه الف الف احتمال وعجبى!


    *حدوته عن جعران وعن خنفسة اتقابلوا حبوا بعض فى ساعة مسا ولا قال حد اختشوا عيب حرام ولا حد قال دى علاقة متدنسة
    وعجبى!


    *ياللى عرفت الحب يوم وانطوى حسك تقول مشتاق لنبع الهوي حسك تقول مشتاق لنبع الغرام ده الحب مين داق منه قطره ارتوى
    وعجبى!


    *فتحت شباكى لشمس الصباح ما دخلش منه غير عويل الرياح وفتحت قلبى عشان ابوح بالالم ما خرجش منه غير محبه وسماح
    وعجبى!

      الوقت/التاريخ الآن هو 2024-03-29, 09:41